اتكلمت انا وقلبى

أأيوة ده بقي حال الدنيا

اللى شارينه ياقلبى يبيعنا فثانية

ولا هموا فراقنا ولا بعادنا

بس هموا ازاى يجرحنا

مشكلتك ياقلبى قربت من ناس كتير

لكن كانوا بيقربوا عشان بس يملوه جراح

كان سهل علية انجرح بس كان صعب علية اصدق من مين بنجرح

فكرت كتير وسرحت كتير حاولت الاقى جواب

لقيتنى برد على نفسي سيبك منهم ياقلبى وعيش لنفسك

وبعدين

انت ياقلبى بقيت لوحدك هتعمل ايه؟

هتقرب

لا

لا

اوعا ياقلبى تقرب دى ناس مغيرة اساميهم بس هما هما نفس الاشخاص

فاكرهم

ايوة

ايوة

هما

فاكر ياقلبى اللى سابوك لوحدك تبكى ومحدش شاف دمعتك

اهو

ده واحد منهم

ايوة

مكنش اسمه كدة ياقلبى ده مغير اسمه بس هو

فاكر ده كمان

ايوة

هو

هو اللى قالك مقدرش اسيبك انت حبيبي انت الحب انت الحنية

وفجأة ملاك قساوة لو وزعتها عالدنيا هيتبقالك جبال وجبال من القساوة

وده مين ده كمان

ايوة ايوة افتكرته

ده اللى قالك انه صاحبك حبيبك وطعنك من ضهرك بخنجر مسموم حتى لايكون مجال للحياة مرة اخرى

وده مين

ايوة ده عشرة العمر اللى كنت فاكرة انه من غيره عمرى عمره ماهيمر

سابك من غير وداع من غير اسباب

بعد كل دول جاى ليه ياقلبى تقرب من الناس دول

مش دول اللى جرحوك
مش دول اللى خدعوك
مش دول اللى خانوك
مش دول اللى فى الضلمة سابوك

وفجأة رد قلبى

لا مش هما دول

اللى فات من حياتك مات

وانتى عايشة فأيام تانية ودنيا تانية

انتى اتعلمتى لمين تأمنى ومين تصدقى ومين تكذبى

عيشي ودوسي عالدنيا قبل ماتكونى من الناس اللى بتنداس

عمر ما كان للهروب حل

كتير هربنا ومع ذلك حزننا
كتير هربنا وكتير سيبنا حاجات مكناش فاهمينها

لحد امتا
لحد امتا

هفضل هربانة
خايفة
مرعوبة

من ناس مش عارفة دول وهم ولا حقيقة

اسمع كلام قلبى وادوس عالدنيا وعاللى عايز يدوس علية

ولا
اهرب وابعد

فكرت ابعد عن الناس لقيتنى بضر برضو
قربت لقيت وجوه متغيرة واسامى متحورة
بس اللى حصل هو هو

نفس اللى حصل اديه بيتكرر

كل يوم اسئل نفسي

هما دول نفس الناس ولا دى ناس غيرهم

بس فى الاخر اخترت

اخترت حياتى

وموت اللى فات من ذكرياتى

وسمعت كلام قلبى المرة دى لما قالى

انا مرضالكيش الذل
مرضالكيش من حياتك تملى
هفضل عايش جواكى اقويكى

وفى وقت الخطر مش هتلاقى غيري حواليكى ينبهك

هو منسيش الجرح اللى بيه انكوى

هيفضل عايش وهيعيش احلى حياة

معشهاش قبل كدة بس وعدنى يعيشهالى

فيه ناس مفيش ناس هعيش حياتى

على قد منا مش معرفة ده هيوصلنى لايه

بس مطمنة لقلبى

لانه قالى

صعب القلب ينجرح مرتين

خلاص اخترت
اابقى مع قلبى وهو هيرشدنى ويدلنى

لانه هو الوحيد فية اللى حس بكل دول
وهو الوحيد اللى عليه صعب حالى

وقرر يقف جمبى وهيعلمنى

خلاص مش عايزة غيره عشان احس

اخترت قلبى وخلاص اطمنتله

وخلاص مفيش جرح ابدا
وده اللى بتمناه

ممكن اقدر على المرض الجسدى

بس جرح قلبى مقدرتش عليه

عشان كدة قررت اسمع كلامه

وهو هيقوللى

قاللى قلبى حاجة تانية

لو حد قال عليكى مجنونة سيبك منهم
مش مشكلتك انهم بيكى مش حاسين